خطوات تجديد رخصة قيادة والأوراق المطلوبة في الكويت
تجديد رخصة القيادة,الاوراق المطلوبة لتجديد رخصة القيادة,رخصة القيادة,الأوراق المطلوبة لاستخراج رخصة قيادة,رخصة قيادة,إجراءات تجديد رخصة قيادة خاصة,خطوات استخراج رخصة قيادة لأول مرة,الوافدين في الكويت,عدد الوافدين في الكويت,رخصة قيادة خاصة,تجديد الرخصة الكويتية,في الكويت,تجديد رخصة القيادة الكويت اون لاين,تجديد رخصة القيادة الكويت اونلاين,اختبار رخصة القيادة في الكويت,رخصة القيادة الخاصة
في نوعين من الناس معاها رخص قيادة، نظام قديم
صادرة قبل 4/2013 ونظام جديد بيجدد سنة بسنة بداية من نفس التاريخ المذكور،
ودلوقتي التجديد بقى 3 سنين.
الهدف الأساسي من البوست مش إزاي تطلع
الرخصة، الهدف هو البت في موضوع تغيير المهن والراتب وهكذا، لأن تقريباً
كل يوم لازم يجيلي سؤال عن النقطة دي من ناس مش عارفين هيحصل إيه معاهم بعد
مايغيروا مسماهم الوظيفي أو رواتبهم.
▪ النظام القديم:
طالما
طلعت رخصة بـ 10 سنين يبقى انت كدة في الأمان، عارف لو حولت بمسمى عامل
شيشة بإذن عمل بـ 80 دينار رخصتك هتجددها عادي... انت فلت منيهم الحمدلله
(حتى إشعارٌ آخر).
▪ النظام الجديد:
لو قدرت تطلع رخصة لأنك محقق الشروط التلاتة اللي قولناهم يبقى لما تجدد لازم يكونوا برضو موجودين فيك.
مثال:
انت بائع ومؤهلك عالي وراتبك كان فوق 600 وكان ليك اكتر من سنتين في
البلد، يبقى لما تجدد طبيعي انك برضو هتفضل بمؤهلك مش هيتغير، ومدة إقامتك
مش هتقل بل بتزيد...
يبقى فاضل مسماك الوظيفي وراتبك، لما تجدد لازم
راتبك يكون فوق الـ 600 برضو والمهنة تكون مسموح لها بالحصول على رخصة من
المذكورين سابقاً.
أو مهندس ولما جددت إقامتك غيرت المهنة لفني كذا، هتقدر برضو تجدد عادي (والعُهدة على ظابط بالمرور).
إلا إذا:
إلا
لو كنت لما عملت الرخصة كنت عاملها بمهنة سائق أو مندوب وتم استثناءك،
فلما تغير المهنة من سائق هيتم عمل بلوك على رخصتك لمدة سنتين للأسف.
لو
حصل واتأخرت في تجديد سواء رخصتك الشخصية او رخصة العربية فقط بتدفع غرامة
5 دنانير، الموضوع سهل مافيهوش مشكلة، بس أهم حاجة إنك ماتسوقش وانت رخصتك
أو رخصة العربية منتهية.
▪خطوات التجديد
دلوقتي التجديد بقى اونلاين
هم 3 خطوات،
1- تكون مسجل على تطبيق سهل.
2- تجديد الرخصة على السيستم.
3- استلام الرخصة.
التسجيل
▪ بتعمل حساب على تطبيق سهل
▪ من خلال تسجيلك بتظهر لك كل بياناتك، الالتحاق بعائل كالزوجه والأولاد وتاريخ انتهاء إقامتهم، مخالفاتك، كل شئ مرتبط ببعضه.
▪ لو طلب منك رقم المرجع هتقدر تجيبه من موقع الداخلية لما بتعمل تسجيل دخول في الصفحة الرئيسية
برضو من صفحة المخالفات هتلاقيه قدام اسمك.
خطوات التجديد:
▪ مبدأياً لازم تشيك على مخالفاتك ولو عليك حاجة لازم تدفعها.
▪ مفيش اعتماد توقيع ولا محتاج توقع أي ورق من الكفيل أو الشركة.
▪ هتدخل على الخدمات، تختار وزارة الداخلية، وبعدين المرور، وتجديد الرخصة، وهتظهرلك رخصتك وميعادها.
المطلوب فى التجديد هو خانتين فقط:
- أول خانة صورة المدنية، ممكن تعملها الوشين وتدمجهم مع بعض في صورة واحدة، أو الوش فقط.
- خانة للتوقيع، بتظهرلك مكان توقع فيه على الشاشة بالماوس.
أو لو بتجدد بالموبيل بتوقع بإيدك عادي على الشاشة.
هتخلص وتدوس موافق.
- لو طلب منك رفع صورة جديدة يبقى هتعمل سكان لصورة حجمها مايكونش أكبر من 250kb.
وتكون بخلفية زرقا، ولو كنت متصور بنضارة في القديمة لازم ترفع صورة برضو بالنضارة.
- لو طلبك تمام ومافيهوش مشاكل هيحولك لخانة الدفع بالكي نت، لو في حاجة هيقولك طلبك تحت المراجعة ويقولك إيه المطلوب.
▪ الرسوم بتكون على حسب نوع رخصتك، العامة غير الخاصة غير الدراجه النارية.
قيمة الرسوم 3 دينار على الـ 3 سنين للرخصة الخاصة، و 15 دينار على الدراجات النارية.
▪ بداية من 26/12/2021 أصبح متاح تجديد الرخصة قبل انتهائها بست شهور بعد ما كان قبلها بشهر فقط.
استلام الرخصة
▪ لما تتقبل منك المعاملة هتروح على طول لماكينة في أحد المواقع دي:
- الأڤنيوز، السرداب عند كارفور، بوابة رقم 5.
- مجمع الكوت بالفحيحيل.
- مارينا مول ناحية شارع سالم المبارك.
- سوق شرق.
- خيمة مول بالجهرا.
- إدارات المرور.
▪
هتدخل البطاقة المدنية في الجهاز، ومش هتطلب منك اسم المستخدم والباسورد
زي أول ما بدأت الخدمة، بالمدنية السيستم هيتعرف على بياناتك، الكلام ده
بداية من 5/1/2020.
▪ هتدخل بعد كدة رخصتك القديمة، هيسحبها
الجهاز، وهتظهرلك شاشة وتتأكد من بياناتك الأول، وتضغط موافق للطباعة لو
كله تمام، هتنتظر حاجة بسيطة وتستلم إن شاء الله.
* الخدمة الأن متوفرة للتجديد وبدل الفاقد.
* تقدر تجدد قبل موعد انتهاء الرخصة بشهر فقط.
* تقدر تجدد حتى لو كنت برة البلد ولما ترجع تبقى تستلم إن شاء الله.
* اسم المستخدم وكلمة السر مهمين جداً في حسابك على موقع الوزارة، لو ضيعتهم ممكن توقفلك حالك في يوم من الأيام، احفظهم في مكان برة.
* لو مدنيتك بتتجدد ولسة ما استلمتهاش تقدر تجدد بالمدنية القديمة أو بصورة تطبيق هويتي.
موقع كويتنا , كويت العز , كويت الكرامة , كويت العز والكرامة , تاريخ الكويت , معالم الكويت , تاريخ حكام الكويت , إعلانات الكويت , أخبار الكويت , أخبار الكويت المحلية , أخبار الطقس في الكويت , أخبار الوافدين في الكويت , الخدمات الإلكترونية في الكويت , السياحة في الكويت